Myndir og fleira

Þá eru 2 vikur síðan við komum hingað og okkur líður rosalega vel hérna, sértstaklega á 5 stjörnu hótelinu sem við erum á ;) Helga og Gunni eru með yndislegra fólki sem ég hef kynnst og við erum þeir afskaplega þakklát. Börnin þeirra eru frábær og hafa tekið okkur rosalega vel.

Við fáum íbúðina okkar á morgun og okkur hlakkar mikið til þess, hún er í 5 mín göngufæri frá skólanum mínum og það eru 2 leikskólar þarna rétt hjá sem ég ætla að fara í á morgun að koma henni inná annan þeirra.

Ítölskuskólinn er svolítið spes, kennarinn talar BARA ítölsku þannig að maður skilur takmarkað. Hún bara babblar eitthvað, bendir á bókina og ýtir svo á play á CD spilaranum. Svo á maður að gera verkefni, og maður situr bara og hugsar "hvað í fjandanum er í gangi hérna" svo spyrjum við öll hvort annað hvort einhver hafi skilið þetta og hvað við ættum að gera??? SPEEESSS, en samt er ég búin að læra smá, og þetta er allt að koma.

En ég átti alltaf eftir að setja inn myndir úr kveðjupartýinu okkar, læt nokkrar fylgja.


















segjum þetta gott í dag, to be continued

vúhúúú

ÉG ER AÐ FARA Á GWEN STEFANI 16 OKTOBER, E-R SEM VILL KOMA MEÐ??????????????

heitt heitt heitt

jæja smá fréttir, við erum s.s flutt útúr íbúðinni og búum eins og er hjá Helgu og Gunna sem búa hérna í Monza. Við fáum nýju íbúðina okkar á þriðjudag eða fimmtudaginn, það er verð að setja innréttingar og allt inn í hana og gera hana klára. Það er s.s allt nýtt inni í henni og hún er í 5 mín göngufæri frá skólanum mínum, sem er bara sweet. En Helga og Gunni eru ekkert smá yndisleg og við erum eiginlega bara á 5 stjörnu hóteli hérna og Birta og Andrea ( sem er 4 ára) ná ekkert smá vel saman.

Mamma kemur svo að heimsækja okkur á morgun og verður í 3 daga, það verður gaman að fá hana.
Svo byrjar ítölskunámið hjá mér á morgun og ég hlakka mikið til. Verður gott að komast inn í málið þar sem að ítalir eru ekkert sérlega hrifnir af því að tala ensku og geta það fæstir.

En Birta er búin að vera lasin núna í nokkra daga, er reyndar búin að vera hitalaus núna í 2 daga eftir að hún fékk sýklalyf hjá lækninum. En það er eðlilegt að verða veikur þegar maður kemur hingað út í þessa mengun og raka og það allt.

En hér eru nokkrar myndir.

Birta og langamma Inga


takið eftir hitastiginu og klukkunni, þetta er rugl sko.



Gítarsnillingarnir Andrea og Birta, þær voru æði að rokka á fullu hérna í morgun.



þið getið rétt ímyndað ykkur hvað þessi vakti mikla lukku hjá þeirri stuttu....

En við segjum þetta gott í dag, blogga meira síðar.

Knús og kossar héðan úr hitanum

Mílanó

Jæja við erum komin til Mílanó eftir langt ferðalag. En það gekk allt vel þó svo að flugið frá Íslandi hafi verið ömurlegt, og þá sérstaklega lendingin í Köben. Ég sleppti því að taka róandi töflurnar sem ég fékk hjá lækninum þar sem að ég var með Birtu með mér. En Birta sofnaði á leiðinni upp á flugvöll og svaf af sér fyrsta flugið sitt. Reyndar vaknaði hún rétt áður en við vöknuðum og það fyrsta sem hún sagði var "það er rosalega gaman í flugvélinni" við foreldrarnir gátum ekki annað en hlegið þar sem að hún var búin að sofa og sofa. Hér eru nokkrar myndir frá fluginu og því.








Svo eftir lendinguna fórum við í leigubíl til Ellu og Carstens og þar beið okkar dýrindis morgunmatur og stórt knús frá Ellu gellu.



Svo fórum við aftur í flug til Mílanó kl 17 og þar var hún Birta sko alveg rosalega hress og átti ekki til orð yfir því að það væru ský í sjónum og á landinu, hmmm svolíið skrítið. En henni fannst flugið rosalega skemmtilegt og spennandi.

Svo lentum við í Mílanó og fórum í rútuna og vorum í henni í c.a klst og vorum svo sótt á stoppustöðina. Ég get nú ekki sagt að íbúðin hafi verð neitt til að hrópa húrra fyrir og erum við nú þegar farin á fullt að leita okkur að nýrri. En við erum búin að fara niður í bæ, skoða skólann minn og allt það helsta. Að sjálfsögðu er maður búinn að kanna verslanirnar hérna sem eru nú ekki af verri toganum, ekki slæmt að hafa H&M, Zara, Gucci, Prada og allann pakkan hérna í hrönnum.

En ég er komin með ekki fleiri né færri en 17 moskító bit, þær elska mig þessi kvikyndi. Þær hafa hinsvegar ekki snert á óla né Birtu, nokkuð ljóst hver er með besta blóðið af okkur.
En Birta er komin með 39°hita og er frekar slöpp.

Við erum ekki enn komin með Internet hingað en erum að rippa einhvern núna, sem er gott fyrir okkur.

Ætla að segja þetta gott í bili, en við erum komin með ítalskt nr, sem er 00393407454872 sem er gsminn hans óla. Set mitt inn seinna. Svo er ég með msn og skype, skype nafnið mitt er hafdisinga.

En endilega verið dugleg að commenta elskurnar.

Bestu kveðjur frá okkur hér í Mílanó

þá er komið að því

brottför upp á flugvöll kl 22 í kvöld og flug kl 1 í nótt til Köben. Svo eyðum við deginum með Ellu Möggu og Carsten í Köben og fljúgum svo til Mílanó kl 17 á DK tíma. Lendum í kringum 19 í Mílanó og verðum sótt þar og förum beint í íbúðina okkar.

Það er óhætt að segja að það sé spenningur í okkur, og þá sérstaklega í Birtu. Hún hefur aldrei áður farið í flugvél og hún hreinlega getur ekki beðið. Síðasti dagurinn hennar á leikskólanum var í gær og hún knúsaði alla bless og fékk rosalega flott kveðjukort með myndum og texta í frá Reit (sem er deildin hennar). Birta talar ekki um annað en að hún sé að fara að flytja til Ítalíu, maður má ekki segja að hún sé að flytja til Mílanó, hún er sko að flytja til ÍTALÍU!!!!!!!!!!

En okkur langar bara að segja bless við þá sem við náðum ekki að kveðja og hlakka til að sjá ykkur næst. Við verðum með skype og að sjálfsögðu msn úti, sendið mér bara´póst á hafdish@gmail.com ef þið viljið fá þetta allt uppgefið.

Knús og kossar, ætlum að fara úr 4°c í 26°c, niccceee

Hafdís og co

2 vikur í brottför

Það styttist alltaf og styttist í brottför, núna eru s.s 2 vikur í þetta.
Núna erum við svona að byrja að pakka niður og ákveða hvað fer með út og hvað ekki. Reyndar erum við öll búin að vera veik síðustu 3 dagana og höfum lítið annað gert en horft á sjónvarpið og slakað á.
En ég er komin með flugmiðana í hendur og lagt verður í hann um kl 22 á föstudaginn 14 sept, en flugið er kl 01:00 aðfaranótt laugardagsins.
Við erum rosalega spennt og eg held að Birtu Laufeyju eigi eftir að finnast æðislegt að fara í flugvél. Ég er amk að segja henni núna að eftir 14 daga fari hún í flugvélina. Alltaf segir hún já, ég er að fara í flugvélina og ætla að fara til Ítalíu.



Við erum komin með heimilisfangið okkar úti og þið bara sendið mér mail eða commentið ef þið viljið fá það hjá mér.

En við héldum kveðjupartý á laugardaginn síðasta fyrir vini og vandamenn, það var ekkert smá gaman. Við vorum reyndar hálf fúl að það mættu svo fáir, þar sem við vorum ekki látin vita að fólk ætlaði ekki að koma. En þetta var samt alveg sjúklega gaman, það var amk mjööööög skemmtilegt fólk sem mætti. Skamm þið hin ;)

En ég ætlaði bara að kasta kveðju á ykkur, ef að það eru einhverjir sem lesa þetta blogg ennþá.

þangað til næst kveð ég.

það styttist....

Já það styttist óðum í fluttning til Mílanó og maður er svona farinn að finna fyrir smá stressi og spennu. Við erum búin að bóka flugið og fljúgum út aðfaranótt laugardagsins 15 sept. Fljúgum til Köben og verðum þar í rúma 10 klst. Við ætlum að fara beint af flugvellinum til hennar Ellu Möggu, fá okkur morgunmat, kíkja á Strikið og hafa það nice saman. Svo fljúgum við til Mílanó þaðan. Verðum lent í Mílanó kl 19.

En við ætlum að vera með kveðjupartý á laugardaginn þar sem við ætlum að bjóða helling að fólki að skemmta sér með okkur í síðasta sinn í dágóðan tíma. Ég hlakka rosalega til að halda risa partý fyrir fólkið mitt.
Svo er maður svona farinn að huga að því hvað maður á að taka með sér, hvað ekki. Hvað maður á að senda út á undan sér og þ.h..
Það eina sem ég hef áhyggjur af er leikskólamál og Birta Laufey. Ég hef ekki beint áhyggjur af Birtu þannig séð, bara svona smá stress um hvernig hún á eftir að bregðast við því að flytja til lands þar sem hún þekkir engan, talar ekki eða skilur tungumálið og þess háttar. Eins óttast maður smá að hún er ljóshærð, með blá augu og gullfalleg og við foreldrarnir megum ekki taka augun af henni í 1 sek þessi 3 ár sem við verðum úti.

Silja fór til New York í gær og ég er svo leið, ég skil þetta ekki. Þegar ég var að kveðja hana langaði mig bara að fara að gráta. Og ég er búin að vera þvílíkt emotional yfir því að hún sé farin og að við verðum milljón skrilljón kílómetra frá hvorri annarri í amk 4 ár. Sniff sniff, ég sakna þín sjúklega mikið Zilly mín.
Ég hef einhvernvegin á tilfinningunni að ég eigi eftir að vera rosalega emotional þegar ég fer út, allir þeir sem eru mér svo mikilvægir svo langt í burtu. Ég á ekki eftir að fara í grill til pabba ansi lengi, ekki eftir að kíkja með mömmu á leik með Hirti bróður, ekki eftir að fara í Herjólf og kíkja á Heiðar bróður og co, ekki eftir að kíkja á kaffihús með Björmu, ekki eftir að fíflast með Ágústu frænku, ekki eftir að fara í myndatökur og make up-ast. Ansi margt sem ég á eftir að sakna svo mikið. Hildi á ég ekki eftir að sjá eeeendalaust lengi, hún er búin að vera úti í ár og kemur ekki heim fyrr en ég er farin. Odda nýbúin að kaupa sér íbúð og ekki einu sinni búin að ná að bjóða í partý, Hilda að fara í LHí að meika það feitt og allir að fara að takast á við nýja hluti og ég langt langt í burtu. Ekki misskilja mig, ég er ekki að fá kvíðakast eða neitt þannig. Ég er rosalega ánægð með þessa ákvörðun hjá okkur að fara út og get ekki beðið, ég veit bara að það eiga eftir að koma tímar þar sem ég sakna þessarra hluta. Ég á líka eftir að sakna þess að æfa ekki handbolta, vááááá´hvað það á eftir að vera skrítið og erfitt. Ég er búin að æfa síðan ég var 5 ára og þekki ekki annað. Kannski maður finni sér lið sem maður getur æft með þegar mér dettur í hug og þarf ekki að hafa neinar skuldbindingar.

já þetta eru svona smá pælingar. Ætla að segja þetta gott í þetta sinn, vonandi sé ég sem flesta á laugardaginn. Þetta verður þrusu geim.....

knús, dísan

omg er þetta hægt

ég bilaðist úr hlátri þegar ég las þetta, var birt á barnalandi...

Upphaflega bréfið var svona:

Hello
i am from Iceland and I don not speak very good English but I am gun a tray :)
I by a toy in Iceland from fisher price ,,little people,, and dora explorer and this toy are maid in China 2002-2007.
One Dora explorer vas bay in Spain and made 2002 (the small one) and the big one I think in Iceland but I am not sure made 2003.
Are something wrong this toy or?????
What can I do??
Can I talk to some body in Iceland so I can anther stand this better????

I hope you can anther stand what I am writing :)
And thank you

Respectfully
Ágústa Kristín Jónsdóttir


Það mætti svo þýða það svona:

Halló,
Ég er frá Íslandi og ég er mafíuforingi sem talar ekki mjög góða ensku, en ég er byssa á bakka.
Ég er hjá leikfangi á Íslandi frá Fisher Price, litla fólk og Dóra landkönnuður og þetta leikfang er þjónustustúlka í Kína á árunum 2002-2007.
Ein Dóra landkönnuður var strönd á Spáni og náði 2002 (sú litla) og um þá stóru hugsa ég á Íslandi en er ekki viss um að hafi náð 2003.
Eru eitthvað að þessu leikfangi eða?????
Get ég talað við eitthvað lík á Íslandi svo ég geti anther staðið þetta betur?????

Ég vona að þú getir anther staðið það sem ég skrifa :)

Virðingarfyllst
Ágústa Kristín Jónsdóttir

hér er þetta

Skildi maður verða svona ??

Vá hvað ég vona Birtu vegna að ég verði ekki svona eftir Ítalíu förina...
Þetta er náttúrulega baaaaaara fyndið sko...

Vísir, 03. ágú. 2007 12:20

Ítölsk mamma kvartar yfir „litla" stráknum sínum

Sikileysk móðir tók húslykilinn af syni sínum, skrúfaði fyrir vasapeningana hans og keyrði hann á lögreglustöð bæjarins þegar hann kom of seint heim eitt kvöldið. Þetta væri ekki frásögur færandi ef ekki væri fyrir þá staðreynd að „litli strákurinn" er á sjötugsaldri.

Konan segir í viðtali við staðarblaðið í bænum Caltagirone að hún sé orðin langþreytt á hegðunarvandamálum sonarins sem er 61 árs. „Sonur minn ber enga virðingu fyrir mér," sagði mamman. „Hann segir mér aldrei hvert hann fer á kvöldin og kemur ekki heim fyrr en undir morgun. Hann er líka síkvartandi yfir matnum sem ég elda ofan í hann, þetta gengur ekki lengur," sagði konan, með grátstafinn í kverkunum.

„Strákurinn" svaraði mömmu sinni hins vegar fullum hálsi og sagði hana vera ómögulegan kokk og að vasapeningarnir væru engan veginn fullnægjandi. Lögreglan leysti úr heimiliserjunum á endanum og snéru mæðginin heim sátt með málalok, strákurinn með húslyklana í vasanum og pening í veskinu

hahahahahahaha

hvenær kemur þetta út á DVD???

http://www.youtube.com/watch?v=1lVne8OGMHc

tröllið hann bróðir minn

hann Hjörtur bróðir fór í óvissuferð með FRAM á laugardaginn nema hvað, þegar þeir mæta í Framheimilið þá bíður eftir þeim rúta. Það var verið að halda kraftakeppni á Hátúni sem Hjalti Úrsurs og þeir kappar voru að keppa í, ennnnn FRAM-strákarnir vissu ekki að það var búið að skrá þá til leiks. Þetta er svo fyndið að ég bara verð að blogga um þetta og setja inn myndir.

Nema hvað, hann Hjörtur kraftatröll kom, sá og sigraði, já eða næstum því. Hann s.s átti að draga riiiisa trukk í gang. Og hvað haldið þið, drengurinn lenti í 2 sæti af öllum keppendunum. hahahahahahahahahaha.

Hér eru myndirnar

Hér sést trukkurinn, þetta var s.s þegar hann mætti á svæðið

Hjörrinn að undibúa sig, sennilega að peppa sjálfan sig upp....

Hann er gjörsamlega bleikur í framan,

Hefur sennilegast skilið eftir einhver ummerki í nærbuxunum eftir þessi átök

Einn af keppinautunum, Hjalti Úrsus. En Hjörtur s.s tók sig til og vann Hjalta og lenti í 2 sæti á eftir einhverjum 2 metra rumi sem kallar sig Big G (skv. Hirti).

það er hægt að skoða þetta allt á www.fram.is

ég er búin að grenja úr hlátri af þessu, minnir mig óneytanlega á óvissuferiðna sem við FH stúlkur fórum í hérna um árið, þegar ég, Dagný, Gunnur og Eva vorum skráðar í sumarstúlkukeppnina á Víðistaðatúni. Við mættum bara og höfðum ekki hugmynd um þetta, drukkum okkur hauslausar til að meika þetta rugl. En vá hvað það var fyndið.

Við óskum vöðvafjallinu, trukknum og leggjabrjótinum til lukku með 2 sætið.

MÚHAHAHAHAHAHA

þessi er nokkuð góður.

9 Things I Hate About Everyone

1. People who point at their wrist while asking for the time.... I know where my watch is pal, where the hell is yours? Do I point at my crotch when I ask where the toilet is?

2 People who are willing to get off their ass to search the entire room for the T.V.. remote because they refuse to walk to the T.V. and change the channel manually.

3 When people say "Oh you just want to have your cake and eat it too". Damn right! What good is cake if you can't eat it?

4 When people say "it's always the last place you look". Of course it is. Why the hell would you keep looking after you've found it? Do people do this? Who and where are they? Gonna Kick their asses!

5 When people say while watching a film "did you see that?". No Loser, I paid $12 to come to the cinema and stare at the damn floor.

6 People who ask "Can I ask you a question?".... Didn't really give me a choice there, did ya sunshine?

7. When something is 'new and improved!'. Which is it? If it's new, then there has never been anything before it. If it's an improvement, then there must have been something before it, couldn't be new.

8 When people say "life is short". What the hell?? Life is the longest damn thing anyone ever does!! What can you do that's longer?

9 When you are waiting for the bus and someone asks "Has the bus come yet?". If the bus came would I be standing here, dumbass?

Mílanó

Jæja þá er nánast allt klárt fyrir fluttninginn til Mílanó, ég búin að leigja út íbúðina og við fluttar, búin að selja helling af draslinu mínu, gefa slatta líka og hitt í geymslu.

Við erum sennilega komin með íbúð sem er á rosalega góðum stað og í grænu hverfi. Stutt í skólann þaðan og rosalega barnvænt hverfi, ætla að láta nokkrar myndir fylgja.

baðherbergi 1 / baðherbergi 2



Eldhúsið, mega sátt við gaseldavél / útgangur út á svalir frá eldhúsi

Gangur frá stofu / svefnherbergi



Barnaherbergið eða gestir / leiksvæðið úti í garði



Stofan með útgangi út á svalir / Stofan aftur.

Séð útaf svölunum

Annars höfum við það mega gott í sumarfríinu, mikið búið að njóta veðurblíðunnar.

En blogga meira síðar, endilega commenta.

Knús Hafdís

FRÉTTIR FRÉTTIR FRÉTTIR....

Nú er sko komin ástæða til að blogga aftur. Já alltaf er eitthvað skemmtilegt að gerast í lífinu og það á svo sannarlega við mitt/okkar líf núna. Já ég s.s var að komast inn í virtann hönnunarskóla í Mílanó, www.ied.it og þar mun ég takast

hér er fallegi skólinn minn ;)

á við nám í innanhúss arkitektúr næstu 3 árin. Við familían ætlum að fara út í lok Ágúst/byrjun sept og hafa það rosalega gott.

Þetta er svo hrikalega spennandi að ég er að deyja úr spenningi. Vá hvað það verður sætt þegar Birta Laufey verður farin að tala reiprennandi ítölsku og svona.

Ef að einhverjum vantar 3 herbergja íbúð á leigu þá er síminn minn 6975848.

Meira síðar.

nýtt blogg kannskiii

Svolítið mikið langt síðan, ætli e-r skoði þetta ennþá????

Látum reyna á þetta, bara að svara þessu í commentin.


Miðnafnið þitt:
Aldur:
Myndiru segja að ég væri Dirty or Clean:
Þekkjumst við persónulega?
Hver er tilgangurinn með lífinu?
Myndir þú bakka mig upp í slagsmálum?
Myndir þú þaga yfir leyndarmáli ef það skipti mig máli?
Besta minningin þín um okkur?
Myndir þú gefa mér nýra?
Myndir þú hugsa um mig ef ég væri veik?
Getum við hist og bakað köku?
Hefuru heyrt kjaftasögu um mig nýlega?
Talaru eða hefuru talað illa um mig?
Finnst þér ég góð manneskja?
Myndir þú keyra með mér hringinn í kringum landið?
Finnst þér ég aðlaðandi?
Hverju myndiru vilja breyta í mínu fari?
Kæmiru í heimsókn af tilefnislausu, bara til að chilla?
Myndir þú koma á stefnumót ef ég myndi bjóða þér?
Ef ég ætti einn dag ólifaðann, hvað myndum við gera?

Hafnarfjörður v.s Alcan

ég veit ekki með ykkur, en ég vil ekki sjá þetta álver í Straumsvík.

hér eru rökin, allir að kinna sér þetta og kjósa.

Hér eru helstu ástæður fyrir því að við segjum nei við stækkun í Straumsvík:

• Alcan í Straumsvík verður eftir stækkun stærsta álver í Evrópu og óljóst er hversu mikið fyrirtækið mun stækka til viðbótar þegar gamla verksmiðjan verður endurnýjuð.
  
• Mengun frá álverinu myndi aukast verulega við stækkun og losun gróðurhúsaloftegunda myndi verða jafn mikil í Straumsvík og af öllum samgöngum á Íslandi.
  
• Stækkun álversins í Straumsvík þýðir lakari loftgæði í Hafnarfirði. Mengunarlosun á sólahring verður eftir stækkun: 2.000 tonn af gróðurhúsalofttegundum, 9,3 tonn af brennisteini, eitt tonn af svifryki, og 700kg af flúor. Þessi mengun skiptir Hafnfirðinga miklu máli þá 40-50 daga á ári sem vindáttin dreifir menguninni beint yfir bæinn.
  
  
• Nú þegar liggja fyrir áætlanir einkaaðila um hafnfirska íbúabyggð fyrir vestan Straumsvík og innan tíðar verður bærinn farinn að teygja sig í vestur með ströndinni. Við teljum að risaálver eigi alls ekki heima í þéttbýli og alls ekki á framtíðarbyggingalandi Hafnarfjarðarbæjar.
  Fulltrúi Alcan lýsti því yfir á dögunum að ef ekki væri álver í Straumsvík í dag, kæmi sú staðsetning ekki til greina fyrir nýtt álver sökum staðsetningar í þéttbýli. Við erum honum sammála.
  
• Stækkun í Straumsvík mun þýða verulega sjónmengun á álverslóðinni sjálfri sem verður eftir stækkun jafn breið og hún er löng í dag.
  
• Verði af stækkun munu stærstu línumannvirki Íslandssögunar vera lögð ofanjarðar í gegnum útivistarsvæði Hafnfirðinga sunnan Helgafells sem og í gegnum átta sveitafélög á suðvestur- og suðurlandi. Línumannvirkin munu hafa í för með sér verulega sjónmengun í upplandi höfuðborgarsvæðisins og í sveitum landsins.
• Alcan í Straumsvík þarf í framleiðslu sína jafn mikið rafmagn og öll höfuðborgin með allri sinni íbúa- og atvinnubyggð.
  
• Samþykki Hafnfirðingar stækkun í Straumsvík munu þrjár virkjanir í Þjórsár verða settar í framkvæmd þrátt fyrir andstöðu íbúa á svæðinu. Með því að segja nei við stækkun leggja Hafnfirðingar mikilvægt lóð á vogaskálarnar til verndunar íslenskrar náttúru.
  
• Þegar talað er um auknar tekjur Hafnfirðinga af álverinu við stækkun er horft fram hjá þeirri staðreynd að tekjurnar munu aukast umtalsvert án stækkunar á næstu árum. Fyrir dyrum standa skattalagabreytingar sem eru óháðar stækkun og fyrirframgreiðslur á hafnargjöldum renna út. Jafnframt hefur ekki verið reiknað út hvaða aðrar mögulegar tekjur Hafnarfjarðarbær getur haft af svæðinu ef ekki verður af stækkun. Því ber líka að halda til haga að við skattalagabreytingarnar lækka heildarútgjöld Alcan til íslensks samfélags þó svo hlutur Hafnarfjarðar aukist til muna.
  
• Þegar talað er um auknar tekjur af álverinu fyrir Hafnfirðinga þarf að kynna líka hvaða áhrif þreföld stækkunar mun hafa á fasteignaverð á Völlum, í Áslandi og á Holtinu. Það hefur heldur ekki verið kynnt hvað skuldir heimilanna munu aukast mikið vegna þenslu á framkvæmdatíma og hvaða önnur ruðningsáhrif stækkunin mun hafa í Hafnarfirði á framkvæmdatímanum og í framtíðinni.
  
• Það er mikill misskilningur að á krepputímum bíði störf eftir atvinnulausum Hafnfirðingum í Straumsvík. Vegna þenslu á framkvæmdatíma er ekki hægt að gera ráð fyrir atvinnulausum Hafnfirðingum sem ganga í ný störf í stækkuðu álveri. Þeir starfsmenn sem ráðnir verða annarstaðar frá í nýtt álver starfa þar áfram komi til samdráttarskeiðs í Hafnarfirði.
  Það er ánægjuefni að Alcan hefur stutt íþrótta- og æskulýðsstarf í Hafnarfirði undanfarin ár. Það er hinsvegar mikill misskilningur að án Alcan hefði íþrótta- og æskulýðsstarf í bænum þróast með öðrum hætti. Í fjárhagsáætlun Hafnarfjarðarbæjar fyrir síðasta ár var gert ráð fyrir 1.155 milljónum til þessa málaflokks og framlag (auglýsingasamningur) Alcan á síðasta ári var 5 milljónir eða 0,4% af heildarútgjöldum bæjarins til málaflokksins. (heimild: www.hafnarfjordur.is)
  
• Því hefur verið haldið fram að hvergi sé hægt að framleiða ál á eins vistvænan hátt og á Íslandi. Staðreyndin er sú að rúmlega helmingur (55%) allrar álframleiðslu í heiminum er framleiddur með endurnýjanlegum orkugjöfum og því fráleitt að halda því fram að á íslendingum hvíli einhverjar skyldur í þessum efnum. Endurnýjanlega orkugjafa eins og á Íslandi er að finna t.d. í Rússlandi, Afríku, suður- og norður Ameríku.
  
• Í dag starfa 216 Hafnfirðingar i álverinu í Straumsvík, fyrirtækið er í mjög góðum rekstri og það er ekkert í kortunum sem bendir til þess að fyrirtækið fari og loki á næstu árum. Á heimasíðu Alcan segir: ,,Engar áætlanir eru uppi um lokun álversins ef ekki kemur til stækkunar, enda gengur verksmiðjan vel og árangurinn er góður, bæði á tæknilegum mælikvörðum og í umhverfismálum.” (heimild: www.alcan.is)
  

Það eru kaflaskil á sjóndeildarhringnum hvað varðar álver í Hafnarfirði. Ákvarðanir sem teknar voru fyrir 40 árum geta ekki verið grundvöllur fyrir þær ákvarðanir sem við tökum í dag. Við stöndum frammi fyrir nýrri ákvörðun sem hefur áhrif næstu 50 til 60 árin í bænum okkar. Við í Sól í Straumi hvetjum Hafnfirðinga til að kynna sér stækkunarmálið. Þetta er stærsta ákvörðun sem Hafnfirðingar hafa nokkru sinni tekið og snýst um framtíð bæjarins.
Sól í Straumi

tékkið á www.solistraumi.org

hahahahahahah

Bruunhildeee, þetta er bara of fyndið. Hvenær kemur þessi snilld út á DVD???

hahahahahaha

þetta er fyndið..

Your Dominant Intelligence is Bodily-Kinesthetic Intelligence

You are naturally athletic and coordinated, good at making your mind and body work together.Sports are fun and easy for you, especially those requiring good hand - eye coordination.There's also a good chance you're a great dancer, or good at expressing yourself through body language.You learn best by doing, and you feel like you've always got to be moving (even if it's just your hands). You would make a good athlete, physical education teaches, dancer, actor, firefighter, or artisan.

What'>http://www.blogthings.com/whatkindofintelligencedoyouhavequiz/">What Kind of Intelligence Do You Have?

Ég er stressuð fyrir Dana leikinn í kvöld, einhvernveginn finnst mér við alltaf hafa verið í vandræðum með Dani. Ef við vinnum, þá spái ég okkur 3 sæti.

ÁFRAM ÍSLAND.

12 hlutir sem þú vildir EKKI vita.

1) Eftir eins tíma sundferð hefur þú komist í snertingu við hálfan lítra af þvagi.

2) Á meðaldegi kemst þú í óbeina snertingu við 15 tippi, t.d. við að taka í hurðarhúna.

3) Árleg neysla meðalmanneskju á skyndibitamat inniheldur 12 kynfærahár.

4) Á einu ári gleypir þú 14 skordýr í svefni.

5) Á einu ári heilsar þú með handabandi 11 konum sem hafa nýlega fróað sér og gleymt að þvo sér um hendurnar.

6) Á einu ári heilsar þú með handabandi 6 körlum sem hafa nýlega fróað sér og gleymt að þvo sér um hendurnar.

7) Flestir karlmenn þvo alls ekkert á sér hendurnar eftir að hafa verið á klósettinu. Veltu því fyrir þér næst þegar þú ert á barnum og færð þér hnetur úr skálinni á barborðinu.

8)Í meðalbrúðkaupi hefur þú hundrað möguleika á að smitast af frunsu frá einum gestanna.

9) Þú andar daglega að þér hálfum lítra af endaþarmsgasi frá öðrum.

10) Tannlæknar telja að tannburstar verði að vera í a.m.k. tveggja metra fjarlægð frá klósettskálinni til að sýklar í loftinu frá skálinni festist ekki á burstunum.

11) Þú eyðir sex mánuðum lífs þíns á klósettinu.

12) Ef þú nagar neglurnar innbyrðirðu meira magn sýkla en ef þú sleiktir hreina klósettskál.

JÁ´´AÁÁÁ

ÍSLAND ER SVO AÐ GERA GÓÐA HLUTI....

þetta er geðveikt, ég hef aldrei verið eins svartsýn fyrir leik eins og á móti Frökkum, en ég þurfti svo sannarlega að éta það ofan í mig og það gerði ég sko með glöðu geði. Ég er að rifna úr stolti af þeim, ég get ekki beðið að horfa á rest.

ÁFRAM ÍSLAND.