ég á ekki til eitt einasta orð....

var að lesa bloggfærslu konunnar sem lenti í fangelsi í Bandaríkjunum fyrir það eitt að hafa verið aðeins lengur en 3 vikur í fríi í USA, en vísað sem hún fékk var 3 vikur.

lesið þetta, þvílíkur viðbjóður

ég held að stjórnvöld þarna ættu að fara að gera eitthvað í sínum málum, þetta fer að verða nasistaríki..

langt síðan seinast

jæja það er nú svolítið langt síðan ég bloggaði síðast, enda margt búið að ganga á. Sit núna á Keflavíkurflugvelli á leiðinni til London, flýg svo þaðan aftur út til Mílanó. Ég s.s fór heim í 6 daga til að kveðja hana ömmu mína. Jarðaförin var í gær og var ekkert smá falleg, ég kvaddi sátt. En þetta var nú samt rosalega erfitt, en mikið rosalega var gott að komast aðeins heim.

En núna tekur við 10 daga námstörn, þarf að vinna upp það sem ég missti af og klára allt áður en ég fer aftur til Íslands í jólafrí, en það verður 22 des. Verðum heima í 2 vikur, en Óli og Birta verða eftir á Íslandi núna. Á eftir að sakna þeirra þvílíkt, kvaddi þau með trega í morgun. Birta var auðvitað steinsofandi og mig langaði svo að kúra með henni og sleppa því bara að fara aftur út ;)

En Birta var svo glöð að komast heim að leika með Petru og Hinna, hún nennti sko ekki að yrða á foreldra sína eða nokkurn annan mann, þau bara léku sér og voru eins og ljós. Þvílíkt góð og fyndin. Birta er alveg ótrúlega fyndin, ég skil ekki alveg hvaðan sum commentin hennar eru, ´þau eru mörg hver svo rosalega fullorðinsleg og fyndin. Við vorum t.d í bílnum í fyrradag að keyra og það var eitthvað jólalag í útvarpinu. Þá spyr hún mig "mamma, hver er að syngja þetta lag?" og ég svara "veistu ástin mín, ég bara veit það ekki". Þá segir mín alveg ótrúlega fullorðinslega "kannski er þetta Björgvin Halldórsson!!!!" hahahhahahaha, einmitt. Hún er 3 ára og veit hver Bo er.....

En ég vil þakka mömmu og pabba, Ingu tengdó og öllum fyrir mig. Það var yndislegt að fá að knúsa alla og hitta alla á þessum stutta tíma. Hlakka mikið til að koma til baka, já eða svona að fluginu aðskildu...

Knús héðan frá Keflavíkurflugvelli ;)

gjööööörrrsamlega búin, jéremías.

þessi helgi var hræðileg í alla staði. Á föstudaginn fékk Birta hita og var greinilega að verða rosa veik. Svo svaf hún EKKERT nóttina eftir útaf verkjum í eyrum. Svo á laugardagsmorguninn var hún alveg tjúlluð úr verkjum, þannig ég fann útúr því hvert ég gæti farið með hana til læknis. Við tókum leigubíl á bráðavaktina fyrir börn og biðum þar í næstum 3 klst. Þá var farið að dropa úr eyrunum á barninu, blóði og einhverjum vessa og hún í móki og alveg brjáluð úr verkjum. Loksins kom að okkur, hún var rifin úr fötunum, skoðuð bak og fyrir og mæld. 41°c takk fyrir kærlega, fékk stíl strax og leggur settur í æð. Birta varð alveg snældu vitlaus þegar það var stungið í hana og ég fór að hágráta við að horfa upp á þetta, þetta var hræðilegt. Svo var kíkt í eyrun og Birta drifin strax í lungna myndatöku. Þá fékk ég þau svör að hún væri með sýkingu í eyrum og kannski með lungnabólgu. Omg og ég var ein með hana, hringdi í Óla til Íslands og grét bara í símann. Jæja svo voru sérfræðingar í eyrnalækningum kallaðir út og við biðum í rúmann klukkutíma eftir þeim. En þeir sugu drulluna útúr eyrunum, og þá varð mín sko enn brjálaðari og ég fór aftur að gráta. En þeir sáu það að sýkingin var rosalega mikil og Birtan mín var lögð inn. Á spítalanum fékk hún 3x á dag sýklalyf, 3x á dag var sprautað í eyrun vatn með súrefni í, 3x á dag þurfti mín að sitja með súrefnisgrímu á sér sem var með einhverju lyfi í, því að hún er með bronkites.


Og ekki skánaði það, það komu 2 hjúkkur inn til okkar, með sprautu og vatn, vöfðu henni inn í lak og byrjuðu að sprauta þessu vatni á fullum krafti upp í nefið á henni. Aftur fór Hafdís að gráta. Endaði með því að Birta gubbaði yfir allt. Greyið litla skinnið mitt, það var ekkert lítið farið illa með hana þarna. En allt var þetta jú gert til að láta henni líða betur. En við s.s vorum þarna í 3 daga, hún var útskrifuð í dag og er allt önnur, samt langt frá sínu besta.

ein að horfa á skrípó í herberginu sínu


svaf svo vært með hönd undir kinn, svo sættttttt


svona varð hún að vera frammi að leika sér.... með svona grímu

svo sofnaði mín svoa á miðju elshúsgólfi kl 18 í kvöld, og sefur enn...


Svo ofan í þetta þá dó hún yndislega amma mín í fyrri nótt, það var eitthvað sem ég bjóst ekki við.


tók þessa fallegu mynd af ömmu og Birtu þegar við kvöddum hana í september. Ég á eftir að sakna hennar, var þvílíkt ljúfmenni og algjör nagli. Mér finnst svo skrítið að hugsa til þess að sjá hana aldrei aftur, hún var eitthvað svo ódauðleg í mínum huga. Æji, ohhhhh.....

Eftir þessa helgi lít ég svona út


ég held að ég hafi nú ekki oft verið svona hrikalega tussuleg. hahahaha..

En ég kveð að sinni, ætla að fara að sofa. er gjörsamlega búin á því.

Ciao.

Skólinn, kuldi og fleira

Djíí hvað það er orðið kalt hérna á morgnana og kvöldin. Já ég sagði kalt.... Maður er alveg kominn í kápu og sjal stemninguna, og Birta fer ekki út nema í úlpu, með húfu, trefil og vettlinga. En þetta er samt fínt, sárra en þegar það var 28 gráðu hiti daglega og við að drepast úr hita.

En það er allt gott héðan, nóg að gera í skólanum og ekkert nema gleði og hamingja með það. Er núna alla helgina búin að vera í hópavinnu. Í gær hitti ég hóp sem ég er með í project methodology og byrjuðum við að vinna verkefni sem við verðum meira og minna allt árið að gera. Ég er með Dóru, Chrisopher (svíi) og Amir (frá Síberíu) í hóp og við eigum að analysera veitingastað. Ógeðslega spennandi og gaman, vorum þar í gær og vorum að skoða teikningar af pleisinu, pæla í öllu frá materials á gólfum, veggjum, bar og allstaðar, gluggum, lýsingu og þess háttar. Mikið rosalega fannst mér þetta gaman, fíla þetta í botn.
Svo í dag hittist annar hópur sem ég er í, eða fyrir history of modern and contemporary art. En ásamt mér er Edda Rós og Sigrún í þeim hóp. Við erum að gera ruddalegan fyrirlestur um Sigur Rós, introið er bútur úr dánarfregnir jarðafarir og svo hendist hver myndin á fætur annarri inn á slideið. Svo í miðjunni verður svona fyrirlestur um Sigurrós, sagan á bakvið þá, fjöllum um post rock og minimalisma sem þeir flokkast undir, plöturnar þeirra, vonlensku sem er tungumál sem Jónsi fann upp og syngur á t.d allri ( ) plötunni og margt fleira. Svo endum við á að sýna trailerinn úr Heima hrikalega flottur og mig langar mikið að sjá þessa mynd. Við erum alveg staðráðnar í að þessi fyrirlestur verði flottur og góð landkynning.

En annars er ég bara nokkðu hress, Birta er reyndar ekki enn komin inn á leikskóla en mér skylst að við eigum að fá einhver svör á morgun. Reyndar hef ég ekki mikla trú á að það gerist, enda hef ég heyrt það ansi oft að svör berist á morgun eða í dag, og aldrei berast nein svör. En ef að ekkert gerist er bara tvennt í stöðunni, setja hana á einkarekinn leikskóla eða að óli og hún fari heim þangað til að leikskólapláss fæst. Eins og gefur að skilja kýs ég fyrri kostinn, en okkur bauðst pláss á einkaskóla um daginn sem kostaði ekki nema 630 evrur, og ég veit ekki alveg hvort að við séum tilbúin til að borga 57 þúsund kall fyrir leikskóla á mánuði. Finnst það heldur blóðugt. En barnið þarf samt að fá pláss, ekki hægt að hún sé hangandi alla daga og alltaf að gera það sama.


ein af okkur mæðgum

En Óli fer heim í 3 daga á fimmtudaginn, þannig að við mæðgurnar verðum einar heima. Svo komum við heim í jólafrí 22 des og fljúgum aftur út 5 jan. Maggi frændi minn ætlar að vera svo yndislegur að lána okkur íbúðina hans og fjölskyldunnar á meðan þau eru úti, og ég þakka kærlega fyrir það. Ég hlakka ekkert lítið til að koma heim ís má tíma, kíkja á handboltaæfingu og hitta alla. Það verður BARA gott og ljúft.

En ég kveð að sinni, ætla að segja þetta gott.
En endilega commentið, alltaf svo gaman að sjá hverjir lesa.

Ciao
Hafdís

skólinn og svona

Ég er að fíla námið mitt í tætlur, amk það sem af er. Hver kúrsinn á fætur öðrum alveg hrikalega spennandi og skemmtilegur. Kennararnir eru frábærir og virka rosalega professional.

Ég var t.d í fyrsta tíma í geometrical drawing í dag sem að lofar mjög góðu. Við vorum reyndar að fara algjörlega í grunninn í dag, en þetta s.s byggist þannig upp að við erum að læra að teikna objects frá öllum sjónarhornum. S.s grunnur á teikningu sem maður notar í arkitektúr, en auðvitað eigum við líka eftir að læra þetta í AudoCad sem er tölvuforrit sem maður teiknar í 3D. Svo erum við auðvitað líka í free hand drawing þar sem við erum núna að æfa okkur í að teikna beinar línur fríhendis, svo bætum við alltaf við okkur með hverjum tímanum. Ég er á fullu núna að teikna hérna heima því í næstu viku á ég að skila einum 50 A3 blöðum af línum. Hljómar spennandi ekki satt, hahahahahaha. En þetta er virkilega gaman.
Svo er ég í computer basics sem er eiginlega svolítið fyndið núna, vorum t.d í dag að læra á POWERPOINT, hahaha hvaða Íslendingur kann ekki á það?? En svo förum við í digitalizion og photoshop og þess háttar.

Svo byrjaði marketing and buisness culture í gær, ég var að fíla það vel. Fannst þetta svona smá common sence fyrir þá sem hafa unnið mikið í sölustörfum. En þetta var náttúrulega bara fyrsti tíminn og EKKERT að marka þetta.

En þetta er bara fyrst og fremst gaman og ég hlakka alltaf til að mæta í tíma. Þetta er svo sannarlega my cup og tea, ef að svo má segja.

En þangað til næst kveð ég.

flott mynd

við fórum í aquarium þegar Inga tengdó var hérna og ég náði þessarri snilldar mynd af dóttur minni.


það er eins og fiskarnir séu að keppast við að tala við hana, þetta er bara fyndið.

En annars er allt gott héðan, fórum í íslendingaboð hjá Helgu og Gunna í Monza á laugardaginn og það var æði. Rosalega skemmtilegt. Svo á sunnudaginn enduðum við í mat hjá Gunna Ljósmyndara og Höllu konunni hans.

Svo er maður bara í tímum alla daga og það er alveg hreint æðislega gaman. Þetta nám er held ég það sem ég átti að læra, finnst þetta geggjað.

En kl er orðin svo margt, ætla að skella mér í háttinn. Tími í fyrramálið.

Ekki gleyma að commenta,
Ciao

ég er á lífi

og gott betur en það.
Lífið hérna í Mílanó hefur bara verið nokkuð ljúft. Kraftaverk gerðist fyrir viku síðan, en við fengum s.s dvalarleyfi þá fyrir 1 ár. Þvílíka ruglið maður, ekki búið að taka nema 1 og hálfan mánuð að fá þetta í gegn, þrátt fyrir að við séum í shengen. Crazy.... En það er enn óljóst með leikskólamál fyrir Birtu, eigum ekki að fá svar fyrr en um miðjan nóv um hvort að hún fær pláss eða ekki, sem er ekki gott. Þannig að við ætlum eitthvað að reyna að pressa á þetta á mánudaginn, og já ef að það gengur ekki, þá fer hún sennilega á einkarekinn leikskóla sem kostar 150 evrum meira en hinn. En ég meina kommon, barnið þarf að komast á leikskóla. Hún er orðin svo hundleið á okkur foreldrunum, hún er alltaf að spurja mig hvernær hún fær að fara á leikskólann sinn á Ítalíu.

Skólinn er byrjaður og váááá hvað það er gaman. Tímarnir eru hver öðrum skemmtilegri, kennararnir virka vel á mig og ég virðist vera í ágætis bekk. Er með einni Íslenskri í bekk sem heitir Dóra og er ótrúlega nice stelpa. Kennararnir mínir eru allra þjóða kvikyndi, einn frá þýskalandi sem er alveg meeeega strangur en samt rosalega sanngjarn og nice. Hann er að kenna Color, materials and finishings. Svo er ég með Ítala í History of architecture and design og hann er ótrúlega fyndin týpa. Hann er hönnuður og virðist vera ríkur, og talar mjög góða ensku en með fááááránlega miklum ítölskum hreimi, svo er hann nánast með míkrafóninn uppí sér þannig að maður skilur mjög takmarkað... sem er frekar fyndið. En hann er ekkert smá nice og virkar vel á mig. Í computer 1 erum við með stelpu frá Kólimbíu sem ég er ekki alveg búin að ná að reikna alveg út ennþá. En mér skilst að hún sé rosalega fín, hún amk veit allt um tölvur. Kennarinn í free hand drawing og geometrical drawing er ítölsk og algjör snillingur. Frekar fyndið að sitja í þeim tíma í 3 klst og teikna línur og kassa allann tímann. En þetta fylgir því að þjálfa sig í að gera skyssur og slíkt.
Svo erum við með Breta í listasögu sem er algjör snillingur, hann er alltaf að segja okkur sögur af listamönnunum sem hann er að fjalla um, að van Gogh og Gaugin hafi eytt öllum peningunum sínum í hórur og dóp og eitthvað svona. Ótrúlega gaman að hlusta á hann.

Ég er alltaf í tímum með Íslendingum og líkar vel.
Svo á miðvikudaginn var Halloween partý hjá Reyni, en hann er á 1 ári í interior design minnir mig. Ég var gjörsamlega heiladauð með búning en ákvað svo að vera bara Marilyn Monroe, svona víst að ég kann make up-ið upp á 10. En það var ótrúlega gaman þó að ég hafi nú ekki stoppað mjög lengi. Nennti ekki í bæinn á eitthvað djamm, þannig að ég fór heim um 1. En þetta var snilld, skemmtilegir búningar, eins og þessir:



hér höfum við heimatilbúinn The Incredibles búning sem vakti mikla lukku



En Markús var klárlega sigurvegari kvöldsins, þvílíkur snilldar búningur. Ég vissi ekki hvert ég ætlaði þegar ég sá hann. Hverjum dettur í hug að fara útí búð, kaupa sér helling af pappakössum og teipi, og skera svo út riddarabúning??? hahahaha þvílíkur snillingur.

Hér er ein af Marilyn wannabe gellunni



og ein of the make up



Svo var tengdamamma hérna hjá okkur í viku og vá hvað það var nice að hafa hana. Birta var ekkert smá leið þegar hún fór, vildi strax fara til hennar. En hún kom með helling af íslensku góðgæti sem við erum að japla á.

en að lokum ætla ég að láta fylgja mynd af fallegu, fallegu skónum sem ég var að kaupa mér.... love them



ég kveð að sinni og býð góða nótt
Haddý Hix

dýr og fleira

það er eiginlega tvennt sem mér lyggur á hjarta núna, það er þetta mál með Margréti Láru og svo sá ég vibba myndband sem fékk mig aðeins til að hugsa.

Já þetta mál með Margréti Láru, ég bara trúi ekki að þetta skuli gerast. Hvað er málið með þessar stelpur þarna. Afhverju er þetta alltaf þannig heima að þegar einhverjum gengur vel, þá þurfa allir aðrir sem eru afbrýðissamir, að gera allt sem í þeirra valdi stendur til að lítillækka þann aðila til að reyna að upphefja sjálfan sig. Margrét Lára hefur bara höfuð og herðar yfir hinum fótboltastelpunum heima og þessar stelpur virðast bara ekki höndla það. Ohhh þetta fer svo í taugarnar á mér og ég sár vorkenni greyið Margréti, þetta hlýtur að vera rosalega særandi. Ég eiginlega vorkenni henni Hólmfríði líka, það getur ekki verið gaman að taka á móti svona verðlaunum vitandi þetta. Með réttu ætti hún bara að gefa Margréti þetta, væri sennilega réttast.
Ég vona bara að svona lagað komi ekki aftur fyrir, því þetta er ekki bara lítillækkandi fyrir íþróttina, heldur einnig fyrir konur.

En hitt sem ég er að hugsa um eru dýr. Ég fór inn á blogg hjá einni sem ég þekki og rakst vídeo sem fékk mig ekki bara til að grenja, heldur einnig til að hugsa aðeins útí þetta felda dæmi.
Ég held að fólk ætti að hætta að kaupa sér ekta feldi og halda sér bara við feikið. Það er nákvæmlega ekkert mannlegt við það hvernig er farið með blessuð dýrin, þetta er hreinlega satanískt. Ég mæli ekki með að viðkvæmir hofi á þetta vídeo, þetta er algjör hrotti. En ég held að ég muni aldrei nokkurntíman fá mér ekta pels eða hvað sem það væri eftir að hafa séð þetta. Ég bara átta mig ekki á því hvernig það er hægt að fara svona illa með nokkra lifandi veru (kannski fyrir utan köngulær og silfurskottur og þann viðbjóð). Ég fór að gráta þegar ég sá þetta, hérna er vídeoið

Gwen Stefani

Ég fór á Gwen Stefani tónleika á þriðjudaginn og VÁÁÁÁ!! Þvílíkt show, góð tónlist, frábær söngu og geðveikur skemmtikraftur.

Hún er náttúrulega BARA flott þessi pía


Þetta eru myndir af tónleikunum á þriðjudaginn,



ég tók einhverjar myndir en myndavélin mín er batteríslaus.



Eina sem var leiðinlegt við þetta var að ítalir eru alveg hörmulegir áhorfendur. Stemningin í Höllinni heima er kannski alltaf svona hrikalega góð og maður svona góðu vanur, en guð minn ´goður. Þeir voru alveg stein dauðir, reyndar gæti það alveg verið að megnið þarna inni hafi ekki skilið hana, en ég meina kommon. Reyndar kom alveg geggjuð stemning í lögum eins og "what are you waiting for" og "holla back girl". En ég hef aldrei heyrt eins lélegt uppklapp, ég var bara "nei andskotinn sjálfur". En það skemmdi nú samt ekki tónleikana fyrir mér, ég, Helga, Gunni og Telma gengum mjöööög sátt frá þessum tónleikum, og gott betur en það...

Ein að lokum



Hvar eru commentin, oddur snær???

Ciao

ég á fallegasta barn í heimi

Við fórum í gær í stærsta lokaða park í evrópu og það var ekkert smá æðislegt. Fullt af leiktækjum, kaffihús og dýr. Birta og Andrea voru á fullu að týna hnetur og kasta til íkornanna, sem voru ímyndaðir því ekki sáum við hin neina íkorna. En það eru samt íkornar þarna og hestar og fleira.
En þetta var yndislegt og Birta skemmti sér konunglega með henni Andreu sinni.
Þær komu sko alveg drulluskítugar heim og fóru í bað saman.

Hér eru nokkrar myndir frá þessu

sætu múslurnar að labba, eins og gamlar konur með þessi sjöl.


sætar




er hægt að vera svona fallegur???


hressað að róla


flotta stóra rólan vakti mikla kæti



það er svo gaman að ramba.


renna


svo var farið í bað

verð svo að láta fylgja mynd af því þegar Birta var að taka upp dótið sitt úr kössunum sem við fengum loksins á föstudagsmorguninn frá Íslandi. Barnið faðmaði dótið sitt og ég hef bara sjaldan séð aðra eins gleði.



Svo bara ein að lokum



takk fyrir öll kommentin, yndislegt að lesa þau. Keep up the good work.

Knús frá Mílanó

ég sakna

mömmu minnar og pabba, bræðra minna og þeirra fjölskyldna,ömmu minnar, handboltans smá, MATARINS.

ég sakna líka þín,


og þín


líka þín


og þín

þín


þín líka


svo saknar maður nú þessarra vitleysinga svolítið (FH rugludallarnir í strandhandboltanum)




það er svo margt sem ég sakna, ég gæti haldið þessu áfram í alla nótt, en ætla frekar að fara að skoða og lesa ógeðslega hrikalega flottu designers apartments bókina sem e´g var að kaupa mér. Gerði ruddalega góð kaup í dag, þessi bók er um 10 kg á þyngd, 800 blaðsíður og kostaði ekki nema 40 evrur á tilboði. Gripurinn er á 13 þúsund heima,

en ciao þangað til næst. +

Hvernig væri svo að kommenta ef að þú lest þetta??

ítalir eru speeeeesss

já það er víst óhætt að segja það að allt gangi fremur hægt hérna í Mílanó, við erum enn að rembast við að skrá okkur inn í þetta blessaða land en það er sko ekkert lítið vesen. Ræðismaðurinn er á fullu í þessu með okkur til að reyna að fá skýr svör um hvað við þurfum að gera, þar sem að við íslendingarnir erum öll búin að vera að fá misjöfn svör frá yfirvöldum hér. En síðasti skráningadagur á leikskólann er á miðvikudaginn þannig að það er eins gott að þetta fari að smella.

En það er eitt sem ég gjörsamlega HATA við ítalíu, og það er þessi helv... ands.... djös.... hundaskítur og hundahland útum allar götur. Maður er í eylífum keiluakstri hérna til að stíga ekki eða keyra kerrunni ofan í þetta ógeð. Sikk, sakk, sikk, sakk endalaust. Og lyktin af þessu hérna í götunni okkar, oooooojjjjjjjjjjjjj... Maður hleypur nánast þegar maður kemur út fyrir hliðið hérna til að komast framhjá þessu, samt getur maður ekki hlaupið á fullu því þá stígur maður ofan í þetta helvíti.

En annað sem er fyndið við ítali, það er það að þeir leggja ALLSTAÐAR og HVERNIG SEM ER. Ég fór t.d útí búð í fyrrakvöld kl 19 og sá þetta,


hahahaah þetta er magnað. Svo virðist það vera nóg að setja hazardljósin á, því að þ að eru bílar útum allt með hazardljósin á. Ef að þeim dettur í hug að skjótast inn á póstuhús eða eitthvað í 5 mín, eða bara í klst, þá bara henda þeir þessum ljósum á og leggja útá götu eða hvar sem þeim dettur í hug.

En jæja er að fara að sofa, kl orðin 23 hérna og skóli í fyrramálið.

Blogga meira síðar.

hahaha ég bara má til með ......

NÁMSKEIÐ FYRIR KARLA - AÐEINS FYRIR KARLA!!
Athugasemd: námskeiðin eru flókin þannig að aðeins átta geta sótt hvert námskeið. Hvert námskeið tekur tvo daga og efnið er eftirfarandi:

FYRRI DAGUR

HVERNIG Á AÐ FYLLA ÍSMOLAMÓT
Skref fyrir skref með glærusýningu

KLÓSETTRÚLLUR - VAXA ÞÆR Á KLÓSETTRÚLLUHALDARANUM?
Hringborðsumræður

MUNURINN Á RUSLAFÖTUM OG GÓLFI
Æfingar með körfuefni (teikningar og módel)

DISKAR OG HNÍFAPÖR: FER ÞETTA
SJÁLFKRAFA Í VASKINN EÐA UPPÞVOTTAVÉLINA?
Pallborðsumræður - nokkrir sérfræðingar

AÐ TAPA GETUNNI
Að missa fjarstýringuna til makans - Stuðningshópar

LÆRA AÐ FINNA HLUTI
Byrja að leita á réttum stöðum í stað þess
að snúa húsinu við gargandi - Opin umræða

SEINNI DAGUR

TÓMAR MJÓLKURFERNUR; EIGA ÞÆR
AÐ VERA Í ÍSSKÁPNUM EÐA Í RUSLINU?
Hópvinna og hlutverkaleikir

HEILSUVAKT; ÞAÐ ER EKKI HÆTTULEGT
HEILSUNNI AÐ GEFA HENNI BLÓM
PowerPoint kynning

SANNIR KARLMENN SPYRJA TIL VEGAR ÞEGAR ÞEIR VILLAST
Sönn saga frá manninum sem spurði til vegar

ER ERFÐAFRÆÐILEGA ÓMÖGULEGT
AÐ SITJA ÞEGJANDI MEÐAN HÚN LEGGUR BÍL?
Ökuhermir

AÐ BÚA MEÐ FULLORÐNUM; GRUNDVALLARMUNUR
Á ÞVÍ AÐ BÚA MEÐ MÖMMU ÞINNI OG MAKA
Fyrirlestur og hlutverkaleikir

HVERNIG Á AÐ FARA MEÐ EIGINKONUNNI Í BÚÐIR
Slökunaræfingar, hugleiðsla og öndunartækni

AÐ MUNA MIKILVÆGAR DAGSETNINGAR
OG AÐ HRINGJA ÞEGAR ÞÉR SEINKAR
Komdu með dagatalið þitt í tímann

AÐ LÆRA AÐ LIFA MEÐ ÞVÍ
AÐ HAFA ALLTAF RANGT FYRIR SÉR
Einstaklingsráðgjöf og samtöl*

Myndir og fleira

Þá eru 2 vikur síðan við komum hingað og okkur líður rosalega vel hérna, sértstaklega á 5 stjörnu hótelinu sem við erum á ;) Helga og Gunni eru með yndislegra fólki sem ég hef kynnst og við erum þeir afskaplega þakklát. Börnin þeirra eru frábær og hafa tekið okkur rosalega vel.

Við fáum íbúðina okkar á morgun og okkur hlakkar mikið til þess, hún er í 5 mín göngufæri frá skólanum mínum og það eru 2 leikskólar þarna rétt hjá sem ég ætla að fara í á morgun að koma henni inná annan þeirra.

Ítölskuskólinn er svolítið spes, kennarinn talar BARA ítölsku þannig að maður skilur takmarkað. Hún bara babblar eitthvað, bendir á bókina og ýtir svo á play á CD spilaranum. Svo á maður að gera verkefni, og maður situr bara og hugsar "hvað í fjandanum er í gangi hérna" svo spyrjum við öll hvort annað hvort einhver hafi skilið þetta og hvað við ættum að gera??? SPEEESSS, en samt er ég búin að læra smá, og þetta er allt að koma.

En ég átti alltaf eftir að setja inn myndir úr kveðjupartýinu okkar, læt nokkrar fylgja.


















segjum þetta gott í dag, to be continued

vúhúúú

ÉG ER AÐ FARA Á GWEN STEFANI 16 OKTOBER, E-R SEM VILL KOMA MEÐ??????????????

heitt heitt heitt

jæja smá fréttir, við erum s.s flutt útúr íbúðinni og búum eins og er hjá Helgu og Gunna sem búa hérna í Monza. Við fáum nýju íbúðina okkar á þriðjudag eða fimmtudaginn, það er verð að setja innréttingar og allt inn í hana og gera hana klára. Það er s.s allt nýtt inni í henni og hún er í 5 mín göngufæri frá skólanum mínum, sem er bara sweet. En Helga og Gunni eru ekkert smá yndisleg og við erum eiginlega bara á 5 stjörnu hóteli hérna og Birta og Andrea ( sem er 4 ára) ná ekkert smá vel saman.

Mamma kemur svo að heimsækja okkur á morgun og verður í 3 daga, það verður gaman að fá hana.
Svo byrjar ítölskunámið hjá mér á morgun og ég hlakka mikið til. Verður gott að komast inn í málið þar sem að ítalir eru ekkert sérlega hrifnir af því að tala ensku og geta það fæstir.

En Birta er búin að vera lasin núna í nokkra daga, er reyndar búin að vera hitalaus núna í 2 daga eftir að hún fékk sýklalyf hjá lækninum. En það er eðlilegt að verða veikur þegar maður kemur hingað út í þessa mengun og raka og það allt.

En hér eru nokkrar myndir.

Birta og langamma Inga


takið eftir hitastiginu og klukkunni, þetta er rugl sko.



Gítarsnillingarnir Andrea og Birta, þær voru æði að rokka á fullu hérna í morgun.



þið getið rétt ímyndað ykkur hvað þessi vakti mikla lukku hjá þeirri stuttu....

En við segjum þetta gott í dag, blogga meira síðar.

Knús og kossar héðan úr hitanum